02-Aug-2022 مزاحیہ قطعات
مزاحیہ قطعات
نازنیں ہو یا ہو نزہت نہیں دیکھی جاتی
کون کہتا ہے کہ صورت نہیں دیکھی جاتی
عقد کے واسطے منھ مانگی رقم دی میں نے
مال اچھا ہو تو قیمت نہیں دیکھی جاتی
اسی میں خیریت سمجھیں تمام دانشور
اگر ہے عقل جہالت کا احترام کریں
بہت دنوں میں گدھوں نے عروج پایا ہے
سبھی گدھوں کی قیادت کا احترام کریں
ہمیشہ مجھ سے کہتا ہے یہ رمضانی مجھے دیدو
تم اپنی بے وقوفی اور نادانی مجھے دیدو
نظر بیوی پہ جاتی ہے کوئی جب گنگناتا ہے
" تم اپنا رنج و غم اپنی پریشانی مجھے دیدو"
نکاحوں پہ جو کر رہے ہیں نکاح
خدا نے بھی چھوڑا ہے ان کو کھلا
بزرگوں کو روکے نہ ٹوکے کوئی
" خطائے بزرگاں گرف تن خطا"
یہ ای ڈی کو اور آئی ٹی کو بھگاوے
کمل چھاپ صابن سے جو بھی نہاوے
لگا قتل کا یا ہو عصمت دری کا
نظر داغ دامن پہ کوئی نہ آوے
یہاں اک پارٹی رشتہ نہیں جس کا برائی سے
صحافی ہو کہ لیڈر ہو ہر اک اچھا نکلتا ہے
یہاں اک پارٹی پہ ایسی جادوئی مشینیں ہیں
ادھر سے ڈالئے جھوٹا ادھر سچا نکلتا ہے
Khushbu
04-Aug-2022 09:14 AM
👏👌
Reply
Gunjan Kamal
03-Aug-2022 09:02 PM
👌👌
Reply
Madhumita
03-Aug-2022 04:19 PM
👌
Reply